التخطي إلى المحتوى

انتشر على مواقع التواصل الاجتماعي خلال الساعات الماضية، وسم #مصطفي_ابو_تورته ، شهد الكثير من الجدال بين المغردين حول موقف اجتماعي تعرضت له إحدى الفتيات في يوم خطبتها.

في البداية كتبت فتاة تدعي “نهال شعبان” منشورا على موقع التواصل الاجتماعي “فيس بوك” روت فيه ما تعرضت له يوم خطبتها من خطيبها وأسرته، حيث نشرت صورتها مع خطيبها وقالت في البوست المرافق للصورة “مش من العادي بتكلم في حياتي الشخصية على الفيسبوك، بس كان لازم أحكي عشان ماتعبش”.

وأضافت نهال “أنا اتقرا فاتحتي وخطوبتي كانت السبت اللي فات، وكان بيننا مشاكل زي أي اتنين، بس ماكنتش أتخيل إن ده ممكن يخليه بسيبني يوم الخطوبة في القاعة لوحدي .. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت بركتلي وقولت أمشي اليوم”.

نهال أوضحت أن خطيبها “قبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت! مجاش في بالي للحظة واحدة انه هيعمل فيا كدا”.

وتابعت في سردها لما حدث يوم إعلان الخطوبة “كل ما أقوله فين الشبكة اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفيه وكلام كله غريب كدا لحد ما دخلنا بعد البوفيه لقيت أهله كلهم مشيوا.. وقال إيه خاله تعب .. بدور عليه الاقيه بيصرخ برا ويقول خالي عيان وبيلطم وحاجات غريبة كدا”.

وقالت: “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبسنيش شبكة..  دلوقتى حبه أقول كل دا عشان إيه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.

وعلّق مصطفى الذي أصبح مشهورا بلقبه الجديد الذي أطلقه عليه المغردون “مصطفى أبو تورته” على المنشور قائلًا: “حلو الشو ده صعبتي عليا، بس ولو حابه تتكلمي إحكي للناس اللي حصل من البداية”، لترد نهال عليه قائلة: “اتعلم الرجولة وابقى تعالى كلمني”.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Don`t copy text!